Парадак самаізаляцыі. Правілы паводзін грамадзян, якія знаходзяцца на самаізаляцыі дома

Рэжым самаізаляцыі неабходна выконваць для ўласнай бяспекі і бяспекі навакольных людзей на працягу 14 дзён.

Рэжым самаізаляцыі рэкамендаваны для:

У выпадку самаізаляцыі дома Вам неабходна:

1. заставацца дома на працягу 14 дзён. Не трэба наведваць месца працы/вучобы, а таксама месцы масавага знаходжання людзей (магазіны, кафэ, гандлёвыя цэнтры і іншыя);
2. максімальна абмежаваць любыя кантакты, у тым ліку з членамі сям'і, якія пражываюць з Вамі ў адной кватэры: размясціцца ў асобным пакоі, у выпадку адсутнасці асобнага пакоя – забяспечыць адлегласць не менш за 1,5 м ад іншых членаў сям'і;
3. мінімізаваць кантакты з пажылымі людзьмі (60 гадоў і старэй), асобамі з хранічнымі захворваннямі сэрца, лёгкіх, цукровым дыябетам і інш. У выпадку крайняй неабходнасці кантакту з вышэйназванымі асобамі Вам неабходна выкарыстоўваць медыцынскую маску;
4. мыць рукі з мылам старанна і не менш за 20 секунд, не забываючы пра вобласці паміж пальцамі, вакол ногцяў, кутыкулы і вялікага пальца. Можна выкарыстоўваць антысептык для апрацоўкі рук;
5. як мага часцей праветрываць памяшканне, дзе Вы знаходзіцеся, праводзіць вільготную ўборку ў памяшканні, удзяляя асаблівую ўвагу апрацоўцы дзвярных ручак, прадметаў мэблі, тэлефонных апаратаў, пультаў кіравання, камп’ютэрных клавіятураў, мышак і іншых гаджэтаў, санітарна-тэхнічнага абсталявання і іншых прадметаў;
6. выкарыстоўваць аднаразовыя насавыя хустачкі ці сурвэткі з наступнай утылізацыяй у закрыты смеццевы кантэйнер або пластыкавы пакет.

Пры крайняй неабходнасці выхаду з кватэры (наведванне прадуктовага магазіна або аптэкі, вынасу смецця) - выходзьце ў бязлюдны час і выкарыстоўвайце медыцынскую маску.

Калі Вы ў кватэры не адны:

• у Вас павінны быць асобныя ручнікі, асобная пасцельная бялізна, асобны посуд;
• пры неабходнасці перадачы прадметаў (посуду, адзення і да т.п.) членам сям'і, выключыце непасрэдны кантакт;
• мыццё бялізны ажыццяўляйце асобна ад іншых членаў сям'і;
• пры перамяшчэнні па кватэры – выкарыстоўвайце медыцынскую маску, дакранайцеся да паверхняў (дзвярных ручак, механізмаў санітарна-тэхнічнага абсталявання і іншых) з выкарыстаннем аднаразовай сурвэткі.

ВАЖНА!

Пры выкарыстанні медыцынскіх масак (аднаразовых) неабходна выконваць наступныя правілы:

1. Апрацаваць рукі спіртазмяшчальным сродкам або вымыць з мылам.
2. Утрымліваючы маску за завязкі або рызінкі паднесці да самага твару белым бокам унутр і зафіксаваць завязкамі (рызінкамі) у становішчы, калі цалкам прыкрытая ніжняя частка твару - і рот, і нос.
3. У канцы прыдаць патрэбную форму гібкай палосцы (насавому заціску), забяспечваючы шчыльнае прыляганне маскі да твару.
4. Зняць выраб, утрымліваючы за завязкі (рызінкі) ззаду, не дакранаючыся да пярэдняй часткі маскі.
5. Выкінуць знятую маску ў кантэйнер для адходаў,які зачыняецца.
6. Вымыць рукі з мылам або апрацаваць спіртазмяшчальным сродкам.
7. Пры неабходнасці надзець новую маску, выконваючы этапы 1-3.

ВАЖНА!

• Выкарыстоўваць маску неабходна не больш за дзве гадзіны.
• Неадкладна замяніць маску ў выпадку яе намакання (увільгатнення), нават калі прайшло менш за дзве гадзіны з моманту выкарыстання.
• Не дакранацца рукамі замацаванай маскі.
• Старанна вымыць рукі з мылам ці апрацаваць спіртазмяшчальным сродкам пасля дакранання да выкарыстоўваемай ці выкарыстанай маскі.
• Аднаразовыя маскі нельга выкарыстоўваць паўторна.
• Шматразовую маску неабходна мыць асобна, пасля мыцця прагладзіць гарачым прасам з двух бакоў.

Калі з Вамі на працягу першых сутак з моманту прыходу не звязаўся медыцынскі работнік тэрытарыяльнай арганізацыі аховы здароўя, пазваніце самастойна ў паліклініку па месцы жыхарства (часовага побыту).